Z Chóśebuza/Cottbus. Wukniki a wuknice Dolnoserbskego gymnaziuma w Chóśebuzu su swěśili 23. septembra kokot. Južo dłujko jo se ten swěźeń w dwanastem lětniku planował. Zgromaźe z šulskeju wjednicu, Anke Hille-Si-ckertoweju a seminarnym kursom Guida Kabiša, kótaryž twari „wuknikojsku firmu“, su se wukniki pśi wšakich móžnych pśigótowanjach wobźělili. Slědkoju jo było wjele dypkow w programje, ako design plakatow, kótaryž jo se wuknicy Svenji raźił. Dla korony, se wě, jo trjebne było wótgranicowanje jadnotliwych lětnikow. Za to jo kupka Fryca-Ericha zagronita była. Teke kupka za catering jo połnu pódpěru wugbała, za wjele diwersnych jěźnych kulturow opcije wubraś. To jo było dla wjelikeje licby wegansko a wegetarisko žywjecych luźi na šuli. Aby kuždy mógał sebje něco do jěze kupiś, jo wobstarała pśikuskowa budka swój meni z waritetnosću weganskeje, wegetariskeje a teke „wšednymi“ wěcami za pjacenje na grilu.