Z Města/Cottbus. Dokradnje 682 młodostnych jo se tudy wobźěliło na U18-wólbach k zwězkowemu sejmoju Nimskeje. U18 jo iniciatiwa za politiske kubłanje, mjazy drugim organizěrowane wót Nimskego zwězkowego młoźinskego krejza (Bundesjugendring) a wót Nimskeje organizacije za pomoc za źiśi (Kinderhilfswerk).

Organizacije pśewjedu U18-wólby pśecej źewjeś dnjow do „pšawych“ wólbow. Tak kśě młodych luźow pódpěraś, aby lěpjej rozměli politiku z rozdźělami mjazy partajami a wólbnymi programami. Źiśi a młodostne deje nawuknuś se kritiski zaběraś ze zlubjenjami partajow, póznaś a formulěrowaś swóje interesy. Tak mógu njewótwisnje namakaś wótegrona na politiske pšašanja, aby sobu póstajili jeje žywjenje a wobswět.

Wjele zmakanišćow za źiśi a młodostnych, na pśikład šule, su wordowali wólbne lokaly mjazy  3. a 17. septembrom. Tam su diskutěrowali a se informěrowali wó wólbach, su pśewjadli politiske projekty a druge akcije.