Z Chóśebuza/Cottbus. Slědny pětk jo bramborska kulturna ministaŕka Manja Schülowa (Schüle, SPD) pśišła do Města woglědat do serbskich institucijow. Wóna jo była gósć w Serbskem domje, pla Domowiny jo se zmakała z pśedsedarjom Dawidom Statnikom, ze zastupnym pśedsedarjom Hartmutom Leipnerom a ze zastupnym jadnarjom Marcusom Kóńcarjom. Wóna jo se wobšyrnje informěrowała wó źěle zastupowarjow serbskich zajmow w Bramborskej. Ministaŕka nawjedujo ministaŕstwo za wědomnosć, slěźenje a kulturu (MWFK). Wóna jo groniła: „Serbska kultura, rěc a tradicije su wósebna bogatosć za Bramborsku, źěł našogo imaterielnego kulturnego derbstwa a centralny źěl identity na połudnjo našogo kraja. Aby to bogate derbstwo wóstało žywe a wordowało ‚fit za pśichod‘, wó to se stara tych wjele angažěrowanych cłonkow Domowiny. Serbske institucije se procuju, aby historiju, rěc a kulturu Łužyce znate cynili a jich nastupnosći pśichylenje namakali“, jo ministaŕka groniła. „Ja se wjaselim – wósebnje pśi góźbje dnja europskich rěcow dnja 26.