Z Wórjejc/Hoyerswerda. Za wuběźowanje „Mójo nejlubše Kami-shibai-wulicowańko“ Domowinskeje župy „Handrij Zejler“ Wórjejce maju nowy termin wótedaśa, a to jo pětk, 15. oktobra. Wobźělniki we tom wuběźowanju deje wobrazowu seriju k serbskej bajce abo k serbskej powěsći wugótowaś.
Ku tym wobrazam dej se bajka abo powěsć ze swójskimi słowami, w serbskej rěcy, pó pśikłaźe japańskego kamishibai-źiwadła zasej wulicowaś. Za wuběźowanje ma se toś ta kamishibai-prezentacija nagrawaś. Kuždy zajmc móžo se wobźěliś.
Wjerašk wuběźowanja buźo kamishibai-festiwal w zagroźe Domowinskego domu we Wórjejcach. Daś how te nejlěpše swójo wobrazowe wulicowańko live pśedstajiju a se pótom mytuju.
Ale nejpjerwjej, se wě, maśo swóje wideo-nagrawanja kami-shibai-prezentacijow zapódaś, a to na mejlowu adresu , což móžo teke z pomocu www.wetransfer.com se staś. Alternatiwnje móžośo wideo na usb-stik spóraś a jen na slědujucu adresu pósłaś:
Župa „Handrij Zejler“ Wórjejce/ Domowina-Regionalverband „Handrij Zejler“ Hoyerswerda
Drježdźanska dróha/