Janšojce/Jänschwalde. We nowem Casniku smy ju južo pśedstajili: Christinu Grätz, kótaraž ma swóju firmu Nagola Re w Janšojcach. Na tamnem Frysofje (Friedrichshof) maju kopicu pólow a grědow, aby rědke źiwe rostliny kubłali. Wóni su myslone za renaturěrowanje brunicowych jamow. Ale teke na wjele drugich pólach jo Nagola Re pšašana: gaž na pśikład muse w Prignicy jaden nasyp nowo wugótowaś, su te rědke a wósebne rostliny na tom starem nasypje znicone. Dla togo wobchowaju Christina Grätz a jeje sobuźěłaśerje do togo semje tych rědkich tamnych rostlinkow a kubłaju nowe rostliny na Frysofje. Gaž ten nowy nasyp jo dogótowany, sajźaju tam te rostlinki.

Južo pěś lět tak źěłaju. Źěło wót Nagola Re jo take wuspěšne, až ma pśedewześarka Christina Grätz mjaztym 10 kšuśe pśistajonych sobuźěłaśerjow. 4. maja jo dostała wjelike pócesćenje: ga wuznamjenjenje ako pśedewześarka Bramborskeje lěta 2016. Cesćenje, kótarež jo zwězane z mytom wót 3.000 €, jo dostała w statnej kanclaji w Pódstupimje.