Z Jarješka/Jerischke. Na to zasejwiźenje smy musali dłujko cakaś! Dnja 18. julija pak jo było zasej tak daloko a 29 źiśi a młodostnych jo směło do Jarješka pśijěś a lětosny WITAJ-camp jo se wótwórił. Głowny organizator jo był Aleksander Draguła, rěcny pedagog w Rěcnem centrumje WITAJ, a wón njejo jano wótměnjaty program zestajał, ale jo teke wšake rěcne zwucowanja, rěcne graśa a dalšne nadawki za wobźělniki a wobźělnice pśigótował.