Z Dešna/Dissen. Dnja 16. julija su se w Dešnje wšake serbske projekty pśedstajili, kótarež deje se skóro spěchowaś na zakłaźe Zwězkowych srědkow (Bundesmittel) za strukturnu změnu we wuglowych regionach. Cełkownemu projektoju w Bramborskej se groni „Napšawy, aby spěchowali wuchowanje a dalejwuwiśe rěcy, kultury a tradicijow serbskego luda ako narodna mjeńšyna“. Za cas mjazy 2022 a 2031 dostanu jogo źělne projekty dogromady 19 milionow euro wót Zwězkowego ministaŕstwa za nutśikowne nastupnosći. Wuwijali su se projekty w koordinaciji bramborskego Ministaŕstwa za wědomnosć, slěźenje a kulturu (MWFK), gromaźe z wšakimi partnarjami, ako su institucije abo aktery z ludnosći.
Walorizacija serbskego kulturnego derbstwa