Česćena redakcija Casnika, Wam sćele čitar z Hornjeje Łužicy připóznaće. Redakcija je w starych Casnikach (z lěta 1927) našła nastawk „Něco k hobmyslenju na swětki“ z aktualnym wuprajenjom tehdy a runje tak za dźensniši čas. Myslu při tym, kotre mocy dźensa mječ wótřa, za kotry zaměr, zaso pod płašćom nabožiny, ju znjewužiwajo hač do poslednjeje konsekwency. Konsekwency, w zawodnych linkach wot dźensnišeje redakcije ze słowom „moda“ woznamjenjeny: „božko njeje pśisła z mody“ (nic jenož w Palestinje/Israelu!). Hdyž bych ja měł móc a prawo, bych tutón nastawk hnydom zaso wospjetował a we wšěch, nic jenož w serbskich nowinach, na prěnjej stronje wospjetował.