Z Města/Cottbus. Gaž 26. junija buźo pśiduca zgromaźina wótpósłańcow Města, změju wóni teke rozsuźiś wó twarjenju noweje zakładneje šule w Strobicach, pśi Hallensiskej a Gołbinskej droze. Tej pśedłoze k wobzamknjenju su zachopjeńk junija pśigłosyli wuběrk pomocy za młoźinu, wuběrk za socialne, strowje a pšawa mjeńšynow kaž teke wuběrk za kubłanje, sport, kulturu a serbske nastupnosći, wše jadnogłosnje. Gaž se to něgajšne šulske městno w Strobicach reaktiwěrujo a nowa šula z hortom se tam twari, dej tamna wucba we šulskem lěśe 2023/24 se startowaś.