Z Města/Cottbus. Srjodu tyźeń jo Serbski muzej w Měsće, pó dlejšej pawzy, zasej Serbske blido pśewjadł. Tenraz, korony dla, prědny raz ako digitalne zmakanje. Něźi wósym wósobow jo se pśed wobrazowkami pśinamakało, mjazy nimi ten wósebny gósć, kótaremuž jo wirtuelna prezenca to wobźělenje wólažcyła: Mato Nowak jo był pśišaltowany z Ljubljany, głownego města Słowjeńskeje. W Dolnej Łužycy jo wótrosł, w Ljubljanje bydli juž jadnab 40 lět. Na tamnej uniwersiśe jo ako programěraŕ źěłał, mjaztym jo wuměńkaŕ.