Ze Žylowa/Sielow. Pśed dwěma tyźenjoma jo se we Witaj-źisówni „Mato Rizo“ tšašna njegluka stała, styrilětny gólack jo pśisamem wumrěł. Nowy Casnik jo se wobrośił na nosaja teje źiśownje, to jo Serbske šulske towaristwo (SŠT) a jo pšašał: Kak pójźo dalej – kake konsekwence to cełe změjo? Jadnaŕ towaristwa, Markus Bjenš, jo nam wótegronił a pisał:

„Pónjeźele, 19. apryla, jo se stała na grajkanišću Witaj-źiśownje ‚Mato Rizo‘ w Žylowje śěžka njegluka. Serbske šulske towaristwo jo wuźěsone wót teje tragiskeje njegluki a źěła wót togo dnja na wobšyrnem rozestajenju a wujasnjenju togo, což jo se stało. To wjednistwo SŠT (kenž jo nowe wót 1. apryla) jo se doněnta wobšyrny wobraz wótběgow a zwiskow dnja njegluki stwóriło, a teke pśeglěd powšyknych źěłowych wumjenjenjow na městnje.