Z Drježdźan/Dresden. Pód titelom „Serby we Łužycy - Drěmajuca drogostka w Sakskej?“ jo Załožba Konrada-Adenauera (KAS) w aprylu pšosyła na wšake zarědowanja. Wótźělba załožby, Politiski kubłański forum w Sakskej, jo organizěrowała digitalne rozgrona wó serbskem žywjenju. Pśez to jo kśěła spěchowaś „wuměnjenje mjazy Serbami a Njeserbami“. Za to su wšake zastupniki serbskich institucijow pśedstajili swóje tematiki, ako na pśikład rěcne pšašanja abo situaciju serbskich tradicijow w casu korony.

Pśi slědnej online-diskusiji „Młody a serbski“ dnja 21. apryla su pśibytne diskutěrowali wó serbskej młoźinje. Johanna Hohausojc a Benedikt Bierbaum wót KAS stej moderěrowałej zmakanje, kenž jo se wěcej ako 60 luźi woglědało. Pśez chat-funkciju na online-platformje Zoom su wóni dodali dalšne informacije a su wšake pšašali.