Z Hamburga/Hamburg. W běgu měrca su se styri studentki Hamburgskeje uniwersity, w ramiku studijnego projekta, pśiwobrośili Serbam. Studentki geografije Anna Bühlerojc (24), Julia Krošelojc (22), Luisa Nerlichojc (25) a Hanna Schulzojc (26) su wuslěźili perspektiwy serbskich kreatiwnych na strukturnu změnu a na konfliktowe pólo brunicowego górnistwa. Za projekt pód titelom „Gaž jano płaśi wugel – Konflikty wokoło górnistwa“ (Wenn nur die Kohle zählt – Konflikte um Koh-leabbau) su se rozgranjali z jadnasćo wuměłcami, aktiwistami a sobuźěłaśerjami ze serbskego swěta. Zagronite za ten modul stej docenta Tobias Schmitt a Martina Neuburgerowa wót Hamburgskeje uniwersity tak ako Marcel Langer wót Serbskego instituta.