Z Mułkojc/Mulkwitz. Ako jo južo było lazowaś w slědnem wudaśu Casnika, jo se w Slěpem stwóriło „Interesowe zjadnośeństwo za mułkojske wusoke wótsypowanišćo“ (Interessengemeinschaft Mulkwitzer Hochkippen). Wó tej wěcy su w gmejnje južo wobraźowali, aby rozglědniwje stwórili měnjenje k pśichodnemu wužywanju togo wótsypowanišća. To jo był facit wósebnego pósejźenja gmejny zachopjeńk měrca.

Wótsypowanišćo jo zwětšego na rowniskich gruntach a wordujo tuchylu zwětšego na rolnikaŕski part wobźěłane. Pódwjacorny źěl pśisłuša Mułkojc a wordujo zwětšego na gólnikaŕski part wužywany. Firma Kronos Solar Projects GmbH München co na pódzajtšnem źělu wótsypowanišća solarny park natwariś, a na pódwjacornem źělu co firma Solizer GmbH Hamburg natwariś fotovoltaiske załožki.