Z Terpjego/Terpe. W maju 2004 jo Marion Klammerowa (45), pjakaŕska mejstaŕka, wótwóriła swójsku pjakaŕsku śpu we jsy. Ta śpa jo 25 kwadratnych mejtari wjelika, a jo w pódlańskej wjažy dwóra starjejšych na Wejsnej droze 7. „Waša party-pjakaŕnja, Ihre Partybäckerei“ jo mě Klammerowego pśedewześa. Wóna pśigótujo torty, ako luźe skažu, cełych 50 sobotu a njeźelu dostanu kupce pla njeje guski, klěb a tykańc. Kupce su pśichwatali we wjelikej licbje, pó wěstem casu njejo Klammerojc śpa wěcej wjelika dosć była. Na 25 kwadratnych mejtarjach drje njamóžoš wšykno wupjac, což luźe kśě (a teke mógu skazaś z whats app). Togodla jo Marion Klammerowa 2014 nowu pjaceńsku śpu natwariła srjejź jsy, tu staru „źěłaŕnju“ jo zapśěgnuła. Wjele luźi pla njeje skažo a co wěcy kupiś, weto jo ta pjaceńska mejstaŕka až do źinsajšnego „solo-samostatna“. Jano kóńc tyźenja pomagaju jej pśedawaŕce.