Z Mósta/Heinersbrück. We tej jsy w Picańskem amśe su ako wšuźi wu nas měli „prodrustwo“, LPG. Wót lěta 1990 jo to agrarne drustwo, a wót lěta 1990 jo Frank Schneider how pśedsedaŕ. Wón jo agrarny inženjer, póchada z Barklawy a bydli w Janšojcach. W běgu casa jo se wjele změniło, to se wě. Źinsa źěła někak 30-35 luźi how. Wót lěta 2010 słuša „Zelena rědowniska śpa“ k drustwoju, tam mógu wukniki se pśiswójaś wšake wó rolnikaŕstwje. W lěśe 2016 jo drustwo inwestěrowało radnu sumu pjenjez a wšake wobnowiło. Problematiski jo, gaž južo jo to grono wót pjenjez: Płaśizny za mloko su ekstremnje niske. Kak to kubłanje krowow dej se na dlejšu dobu „lonowaś“ abo zadaniś, to nicht njewě. Tu starosć maju wšykne bury w kraju, ako maju krowy, jo gronił Frank Schneider.