Z Chóśebuza/Cottbus. Pandemija póśěžujo wšedny źeń na šulach. Wósebnje abiturienty a slědne rědownje su w kritiskem casu pótrjefjone wót wobgranicowanjow.

Dolnoserbski gymnazium

Na dolnoserbskem gymnaziumje jo jano rědownjam źasetego a dwanastego lětnika dowólone, wobźěliś se na prezencnej wucbje. Kužda klasa respektiwnje kuždy tutorium musy se wšednje do rumowu rozdźěliś. Ceptaŕ daneje klase, kenž wobstara aktiwne źěło jadneje połojcy, musy pšawidłownje chójźiś wót jadneje śpy do drugeje.

Šulska wjednica Anke Hille-Sickertowa jo glucna, až njejo hyšći nichten musał do kwaranteny: „Rědownje su něnto wěcej pśeměšane, wótwisne wót wubranego kursa. Zestajenje njejo stakim wjelgin stabilne, ale tak daloko funkcioněrujo naš system. Dajomy wuknikam teke móžnosć se online wobźěliś.“

Centrum wušego schójźenka (OSZ)