Z Města/Cottbus. Pšawy nowum njejo lětosa jano był, až jo se dolnoserbska Schadowanka online wótměła, ale teke až jo zarědowanje jano šesć gósćow pśiwabiło. Optimistiski wopyt Franciski Albertoweje, górnoserbskej schadźowance nanejmjenjej online-konferencu znapśeśiwiś, jo se sobotu pó tužnej wašni skóńcył. Albertowa, kótaraž jo zmakanje pśez program jitsi zarědowała, jo z wěcej luźi licyła: „Som w interneśe na lichy a zjawny serwis frankobrodskeje uniwersity starcyła. Tamny server by pódprěł wětšu licbu swěźenjarjow, ako normalny domacny computer.“

To wšak njejo trjebne pśigótowanje było, glědajucy na to, až su jano Albertowa, Frank Kosyk, Šarlota Kušcyc, Sylke Laubensteinowa-Polencojc a Maks Bagańc pśibytne byli. Diana Šejcowa a Roberto Lombino, kenž jo nowy česki stipendiat sorabistiki w Lipsku, stej nanejmjenjej hyšći wopytałej se wobźěliś, ale špatnego signala dla jo pomjenjony mały krejz až do nocy wobstojał.