Z Kamjeneje/Steinkirchen. Na iniciatiwu žurnalista a spisowaśela Bernda Judsa (1939–2004) jo se w lěśe 2001 „lubinske zmakanje awtorow“ („Lübbener Autorentreff“) do žywjenja zbuźiło. Towaristwo to njejo, ale zjadnośeństwo zajmow, kenž bitujo hobby-awtorkam a -awtoram (a nic jano takim z Lubina) móžnosć, sebje wó pisanju a wó swójich twóŕbach wuměnjaś, sebje tam a sem tek mjazsobnje pisańske nadawki a zwucowanja daś. W rumnosći na serbskem burskem dwórje we lubinskem městnem źělu Kamjena se toś to „lubinske zmakanje awtorow“ kuždu slědnu srjodu w mjasecu wótměwa.