Z Budyšyna/Bautzen. Južo pśed pśewjeźenim konference k digitalizaciji w nazymje 2019 stej se do Mozilla Common Voice dolno- a górnoserbska rěc pśirědowałej. Do systema jo se nagrało 7.000 górnoserbskich sadow, kenž su w běgu slědujucych tyźenjow waliděrowali. Prědny źěl nagranego materiala jo měł srjejź julija 2020 dłujkosć wót jadneje štundy a 44 minutow.

Aby se pśespytowało, kak projekt doprědka póraś, jo se pśewjadło rozgrono ku koncepciji togo projekta, mjazy drugim z BTU Chóśebuz-Zły Komorow a z Institutom Fraunhofer z Drježdźan. Aby prototyp pó funkcionalnosći jadnory a lažki k rozměśu był, su se wóni rozsuźili za simulaciju smartphone-lampy, kenž słucha na powědane górnoserbske komanda. Nagrawanja w Common Voice su se pokazali pó kwaliśe ako pśeliš rozdźělne a pó głosach njewuwažone (muskece a žeńskece głose ako teke starstwowe kupki). Mimo togo njejo w Common Voice móžno, sady za nagrawanja a slědujuce pśeźěłanje wubraś.