Na zapusće w Hochozy: Nowy wucabnik Jakub Sokoł jo pśišeł do rozgrona ze serbskimi žeńskimi. 
30lětny wucabnik dr. Jakub Sokoł, z rodom z pólskego Krakowa, wucy wót februara w bórkojskej wušej šuli źiśi serbsku rěc. Wón jo studěrował politologiju a historiju na Jagiellońskej uniwersiśe w Krakowje. Wón jo wordował pśistajony na cas do kóńca šulskego lěta. Wón buźo we tom casu zastupowaś serbske ceptarje, kótarež su schórjeli abo muse dla chórosći kolegow drugu wucbu wobstaraś. Wón jo stakim jaden wót tych, kótarež su se pśizjawili na zawołanje šulskego amta w měsće. Ten ga jo gano teke w Casniku wuzjawił, až pyta z mócu serbske wucabniki k zapłatanju źěrow we serbskej wucbje. Teke luźe mimo pedagogiskego wukubłanja, „pśiskócone“, ak serbsku rěc derje wuměju, su dejali dostaś šansu. Z nim smy rozgranjali wó serbskej wucbje a jogo nazgónjenjach.
Nowy Casnik: Pó kakej droze sćo pśišli do Łužyce?
