Z Pódstupima/Potsdam. We Nowem Casniku 40/71 jo Marion Hirchowa na tśeśem boce rozpšawiła wó w lěśe 2019 wubranych, kótarež jo Ministaŕstwo za wědomnosć, slěźenje a kulturu (MWFK) mytowało. Dnja 6. oktobra jo MWFK wózjawiło lětosne dobyśarje wuběźowanja „Serbski pśichod: Łužyca “. Wósebne kategorije pśesegajuce myto jo wóno pósćiło Centrumoju za cłowjeske pšawa z. t. W kategoriji k wuwiśu a woplěwanju serbšćiny su myto pósćili hortoju „Njewjerica“ a Šuli za dolnoserbsku rěc a kulturu wót 2017–2020 (wobej w pśisłušnosći Chóśebuza), župje Dolna Łužyca za źěłaŕnje ze źiśecym źiwadłom. W drugej kategoriji jo MWFK pósćiło myta k wóžywjenju serbskeje kultury a rucnikaŕstwa Spěchowańskemu towaristwu Domowniski muzej Dešno a Dešańskej wósaźe, Župje Dołna Łužyca z.t. za rekonstrukciju a dokumentaciju Janšojskego boga, Wejsnemu towaristwu Běła Góra z. t. – Stogowy swěźeń a firmje Turizm, kultura a měsćański marketing w Lubinje.