Z Trjebina/Trebendorf. Pśecej zasej te kulki. Wóni se kublu na „Šusteroc roli“ w Trjebinje a su tam lětosa głowny rolnikaŕski produkt. Pśedslědny tyźeń su měli źiśi ze źiśownje „Lutki“ swójo wjasele pśi kopanju kulkow na Šusteroc dwórje, a slědnu srjodu jo se 24 wuknikow a wuknicow rědownje 3a ze slěpjańskeje zakładneje šule, ako we „2plus“-projekśe wuknu, w Trjebinje do kulkowego rozwjaselenja dało.

Wóne „2plus“-wukniki a wuknice su měli slědny tyźeń swój prědny drogowański źeń we tom šulskem lěśe. Dalšny njejo we tom lěśe hyšći dał, dla korony. Rědowniska wucabnica Anja Sämischowa se wjaseli, až šulska wucba we Sakskej něnto zasej pórědnje běžy, a se žycy, až tak to buźo teke nadalej.