Łoni dnja 31. julija jo serbski komponist a něgajšny redaktor rbb swój 65. burstak měł. Swój jubilej njejo pak wóswěśił. Wón jo źěl projekta „WOBRAZE KRAJINY. PŚECHOD 03“ (2019–2021). Lětosa w Korutańskej su se pśi tom projekśe mjazy drugim jogo muzikowe kuse grali. Alfons Wićaz jo se z nim rozgranjał.

Dla cog njejsćo Waš jubilej łoni wóswěśili?

Slědne tśi lěta som měł strowotniske śěžkosći. Som dostał diagnozu kšejneje chórosći. Togodla njejsom dlej mógał na źěło chójźiś. Kóńc 2018 som musał se do reha teke w casu swójogo burstaka pódaś. Togodla njejsom se ze swójim narodnym dnjom zaběrał. W tom zwisku som pón styri mjasece pjerwjej, wót łońskego decembra, rentnaŕ.

Co groni rentnaŕstwo za Was?