Z Janšojc/Jänschwalde. Wjele źěła jo štycało we pśigótowanjach, ako su se zwónoźeli w Serbsko-nimskem domowniskem muzeju Janšojce za muzejowu noc. Tu su tam kśěli slědnu sobotu zarědowaś. Ale glědajucy na te wusoke napołožki dla korony, ako maju se w hygienowem koncepśe dopołniś, su to zarědowanje z titelom „Wšo se wjerśi ... a bywa JADNO“ tola krotkodobnje, z kšawjeceju wutšobu, wótpowěźeli. „Teke personalny problem, až wšuźi pśi zachodach a wuchodach dej něchten stojaś, njeby my rozwězaś mógali. Dajo wjele faktorow“, rozkładujo wjednica muzeja Nadine Adamowa.