W dwanastem wudaśu NC toś togo lěta (19. měrca 2020) smy wózjawili prědny źěl k zajmam pisarja Bramborskego Serbskego Casnika Kita Šwjele za techniske nowinki. My smy wuzwólili powěsći wót telefona, z kótarychž jo kradu wuznaś, ga jo se telefon prědny raz w Dolnej Łužycy nałožył. K tomu prědnemu wužytku jo słušało teke to, až jo z jogo pomocu było lažčej policaju zawołaś abo informacije wobstaraś, kótarež su k pśimjenju złoźejow a drugich njestatkarjow wjadli. Něnt wózjawijomy dalšne interesantne powěsći ze starych casow. (2. źěl)

Telefon jo pomogł złoźejow pśimjeś (1892)