Z Města/Cottbus. Iran (Persiska) jo kraj we Krotkozajtšnej Aziji z tysaclětnymi stawiznami a bogateju kulturu. Wón jo domownja wjelikich wědomnostnikow kaž Awicenna, spisowaśelow kaž Hafiz a Omar Chayyam. We pśibytnosći Islamiska republika Iran ma teokratiski režim, to groni ze statom kněže wót boga abo wót religioznych pśewóźowarjow wuzwólone wósoby. Něźi połojca ludnosći su Persarje. Kak su žywe druge, njetitularne ludy? Wó tom som se rozgranjał z młodyma manźelskima, kenž bydlitej w Chóśebuzu.

Araš Mirchani a Šabnam Abaji stej z rodom w regionje Azerbajdžan w Iranje. Wónej stej 30 lět starej, wobej wegetariarja (w Iranje, kenž jo znaty za swóje měsowe chłošćonki, to njejo cesty pad!), aktiwnje se angažěrujotej za cłowjeske pšawa.