W lěśe 2019 jo serbske wědomnostne towaristwo Maćica Serbska wóspjet wupisało Maśicne myta, za študańce a absolwent*ki uniwersitow abo wusokich šulow jo to Myto Arnošta Muki. To myto su pósćili Annje Měrćinowej. Šarlota Kušcyc (Charlotte Kuschka) z Dešna jo jadna tych tśoch młodych luźi, ako jo spěchowańske myto dostała za swójo bachelorowe źěło „Rola serbskich žeńskich: na pśikład serbskich seśelnicow a źiśetkow. Wobraz a napšawdnosć serbskich žeńskich w Barlinju“ na Instituśe za sorabistiku Lipšćańskeje uniwersity. Stefanie Krawcojc jo se z njeju zmakała.

Nowy Casnik: Šarlota, ceja sy?

Šarlota Kušcyc: Som Dešanaŕka, som 22 lět stara a lěcrownož študěrujom sorabistiku w Lipsku, som cesto w rodnjej jsy. To dej tak byś, wšak som wjednica młoźiny.

Som tuchylu zapśěgnjona do projekta wó kulturnem derbstwje w Dešańskem muzeju. Łoni som była wótwardowaŕka we Witaj-campje, a pśed dwěma lětoma praktikantka pla Nowego Casnika.

Kake źěło sy zapódała, aby se pro cowała wó Myto Arnošta Muki?