Z Lubnjowa/Lübbenau. Chtož co lisćinu angažowanych Lubnjowaŕkow a Lubnjowarjow wustajiś, njedejał Sabine Neupötschowu zabyś. Njeglědajucy na strowotny problemy, dla kótarychž ta 55-lětna wuwucona zagrodnikaŕka juž na wuměńku jo, wóna se pó swójich móžnosćach z cełeju wutšobu za swóje sobucłowjeki zasajźujo. Pśi tom lubujo te serbske tradicije swójeje domownje a se zagórijo za módrośišć, což jo tek wiźeś na nagubkach, ako něnto w casu pandemije šyjo.