Z Noweje Niwy/Neu Zauche. To jo wšeje chwalby dostojna iniciatiwa, ako howacej njama swójogo rownja w našych stronach: We tudskem cołnowem wustawadlišću stoje nowe tofle, źož serbski charakter jsy jo wjelgin derje a zjawnje z pomocu stroninych mjenjow wopokazany.

Až wejsanarje se za stare mjenja pólow a łukow interesěruju, wót togo znani pśecej wusoka licba pśisłucharjow na pśednoskach, kótarež organizěrujo mjazy drugim Šula za dolnoserbsku rěc a kulturu. Rědko pak wjeźo taka interesa k dalšnym iniciatiwam, aby to derbstwo dokumentěrowali a zjawnosći pokazali.