Sobotu, 19.03.2016, zeger 13.30, w telewiziji rbb

„Pójsynoga – mójo žywjenje za to dolnoserbske“

Marija Elikowska-Winklerowa jo se naroźiła a wótrosła w Pólskej. 1980 jo pśeśěgnuła k swójomu manźelskemu do Chóśebuza w tencasnej DDR. How – w Dolnej Łužycy – jo spěšnje teke namakała žywjeński nadawk: woplěwanje a zdźaržanje dolnoserbskeje rěcy. Jeje angažement njama žednych granicow.

Wóna natwarijo w casu pśewrota Šulu za dolnoserbsku rěc a kulturu a pódajo sama rěcne kurse za zachopjeńkarjow a pókšacujucych. Wóna nawjedujo a spěchujo wšake dolnoserbske lajske chory a zarědujo ako „pójsynoga“ bachtańske wótpołdnja, na kótarychž se zmakaju dolnoserbske maminorěcne. „Pójsynoga“ jo była něga raz wósoba, ako jo wšo we jsy wěźeła. Marija Elikowska-Winklerowa dokumentěrujo źinsajšnu dolnoserbsku rěc w pismje a zuku za pśiduce generacije. Wóna źěła ako reportarka za serbski rozgłosowy program rbb. A wóna dajo lubosć za serbsku rěc a kulturu dalej swójim tśim źiśam.