Z Wochoz/Nochten. Dla rozšyrjenja koronawirusa a dla powšyknego póstajenja lichotnego stata Sakska zacynja Łužyski park zanjasonych kamjenjow Wochozy („Lausitzer Findlingspark Nochten“) swóje wrota – nanejmjenjej nachylnje. To pišo Simone Beyerowa, zagronita za marketing a zjawne źěło Spěchowańskego towaristwa Łužyski park zanjasonych kamjenjow Wochozy z.t. w aktualnej informaciji za medije. „Njocomy našych woglědarjow a našych sobuźěłaśerjow wustajiś rizikoju za strowosć“, wóna rozkładujo. „A my se naźejamy, gaž kriza jo pśetrata, móžomy zasej wjele gósći w našom rědnem parku pówitaś.“

Njewótwisnje wót togo, až park jo zacynjony, běžy mólowańske wuběžowanje za źiśi a młodostnych dalej. Pytaju rědny portrej jatšownego wuchaca – za to su originelne ideje pšašane. Pó móžnosći dejali wobźělniki wuběžowanja na A4-formaśe mólowaś. Kak wóni móluju – lěc z tušu, z barwikami abo fazarakami – jo wšojadno.