Wjeleseraku wustajeńcu w Drjowku bóžko njamóžośo se tuchylu woglědaś. Ale wužywajśo ga ten cas, aby sami jatšowne jaja mólowali. Nejrědnjejše móžośo w muzeju za wuběźowanje wótedaś. 
Z Drjowka/Drebkau. Muzej Serbska tkajaŕska śpa jo tuchylu dla aktualneje krizoweje situacije zamknjony. Weto tam pytaju nejrědnjejše jatšowne jajo 2020 a pšose wšyknych kreatiwnych, źiśi a dorosćonych, aby se wó nejrědnjej mólowane jajo wuběźowali. Až do jatšownego pónjeźelego mógu wugótowane jaja se w Serbskej tkajaŕskej śpě wótedaś. Za to pón dejśo pśi nabocnem zachoźe muzeja zwóniś. Moto lětosnego wuběźowanja jo: „Wóskowane, wobšywane abo škrabane – kužde jajo dostanjo městnaško.“
Samstag, 20.04.2024
