Z Baršća/Forst. Srjodu, 19. februara, jo wokrejsny sejm Sprjewja-Nysa pósejźenje měł. Wót tych wažnych temach, ako su se tam pśepowědali, dostanjośo how pśeglěd.

Sćažka za kólasowanje pśez Luborazku gólu

Něga su jězdźili śěgi z Chóśebuza pśez Picnjo, Grunow do Frankobroda. Mjazy Turnowom / Pśiłukom, Jemjelnicu (Jamlitz) a Wjerchojcami (Weichensdorf) jo ta linija wjadła pśez Luborasku gólu, pśez wjelike něgajšne zwucowanišćo sowjetskeje armeje. W lěśe 1998 su toś tu trasu zacynili. Něnto dej nastaś na njej nowa sćažka z kólasowanje z mjenim „Heideradweg“ mjazy Pśiłukom a Wjerchojcami. Wóna buźo 23 km dłujka, tśi mejtarje šyroka a dej zwězaś Błota ze Žłobinym dołom (Schlaubetal). To wšo płaśi něźi 5,4 mio. euro. Te pjenjeze pśidu z Barlinja wót nimskego ministaŕstwa za wobswět a šćit pśirody. Twariś kśě to w lětoma 2020 a 2021, we dwěma etapoma. Zagronity za planowanje a twaŕske źěła jo wokrejs Sprjewja-Nysa, a to gromaźe z wokrejsom Dubja-Błota, dokulaž sćažka lažy we wobyma wokrejsoma.

Buźo dwórnišćo w Hajnku?