Wobydlarjam jo na woklapnicy jo se njezdało, až za źiśownju jo wustajony zakaz pśiwześa nowych źiśi. Jadna pśiduca mama jo se wobśěžkała, měnjecy, až gmejna wabi młode luźe do jsy, wjele jich kupujo sebje grunty a twarje. A až źiśownja žednych nowych źiśi njepśiwzejo, se z teju politiku zewšym njemaka. Na to pšašanje jo wótegroniła direktorka Picańskego amta Elvira Hölzerowa: Wina na tom zakazu jo, až njamaju dosć źiśownicow. Města jo dosć za wěcej źiśi, ale za nje – we wobjadnosći z personalnym klucom, ak w Bramborskej płaśi – by dejali nowu źiśownicu pśistajiś. Tu pak amt njejo dotychměst namakał, a dla togo su taki zakaz wustajili. Ale amt źěła z mócu na tom, aby se něcht namakał.

Co jo wina na złych drogach we jsy?