Krotko wót woklapnice

Wjasele se, dokulaž maju spěšny internet

Von Gregor Wieczorek Donnerstag, 23. Januar 2020

Z cym jo gmejnska rada była łoni zabrana? To wětše pólěpšenje ma cyniś z internetom. Něnto maju we jsy wšuźi spěšny internet. To pśizamknjenje jo we slědnyma dwěma lětoma wuwjadł koncern telecom, wóni su ten nadawk za błośańske a picańske strony dobyli. Chtož we bliskosći rozdźělowaka (Verteiler) bydli, ten móžo spěšnosć datow wót 100 megabitow na sekundu dostaś, druge maju 50 megabitow na sekundu. Z tym jo ta internetowa źěra w Turjeju zapłatana – wót togo njeprofitěruju jano młode wobydlarje, ale teke campingowanišćo w Maznikach.

K raźonym pśedewześam słuša wótnowjenje pśewoblekaŕnje pśi sportnišću. Tam maju něnto topjenje a śopłu wódu k piśeju.

Někotare drogi su pórěźone: kólasowa droga a droga za pěškarje we jsy, drožki pśi gmejnskej wjažy su ze šplitom pówózone.

W źiśowni su dymnicu z titanowym cinkom wobbili a grajny torm wutwarili. W Maznikach pśi campigowanišću su nowe wrota stajili, w Šejnejźe bomki pśirězali, a w Turjeju sadowe bomy nasajźali. Na kjarchobje pórěźaju se hyšći kokotk a rory za wódu.

Zeschnute bomy na Dańskich Łukach

(0 )
Bitte anmelden, um einen Kommentar zu posten
 
  • Zustellung der Wochenzeitung durch einen Zusteller oder durch die Post
  • Unsere Zeitung ist ein Muss für jeden, der sich für die Sprache, Kultur und den Alltag des autochthonen slawischen Volkes interessiert.
  • für 26,40 € jährlich

Zeitung bestellen

  • voller Zugang zu Nowy Casnik online und zum E-Paper
  • zusätzliche Funktionen (Archiv, Kommentieren, Bewerten, als PDF speichern)
  • für 14,40 € jährlich (für Abonnenten der gedruckten Ausgabe nur 9 €)

Zugang bestellen