Z Noweje Niwy/Neu Zauche. Tśi raze jo Serbski ludowy ansambel ptaškoswajźbny program pokazał w Dolnej Łužycy pód titelom „Chtož se zwažyjo, tomu se raźijo“. Jadnab 200 woglědari jo se to woglědało. We srjejźi jo stojała młoda Johanna, ako jo na zachopjeńku z pśijaśelkami na „źowćowem wjacorje“ pśišła na ideju za pśedewześe: „multikopter“ kśě producěrowaś, to dej byś taksi-helikopter. Inspirěrowane wót rozpšawjenja wót strukturneje změny pśizjawiju ideju pśi někakem wuběźowanju. To wjelike pśechwatanje: Jich „multikopter“ z drjewa dobydnjo! Komisija wuběźowanja co pak prototyp togo multikoptera wiźeś. Co ga něnt a tšacha dla? Dej Johanna z mytowanimi pjenjezami wuběgnuś do Brazilskeje? Ale to drje nejźo. Dunderowy kjarl Beno co pomagaś, a to se jomu to raźijo. Pśewšo wažne politikarje se pśipóraju Johannje, blandrje wót swójeje wažnosći a wótwiźonego wuspěcha strukturneje změny, což jo derje trjefjone. Ako źiw se namaka pśedewześaŕka Martha, ako co ceły projekt pódpěrowaś z inwesticijami, businessowym planom a z mega-fabriku we Łužycy.