Prědne pśespytowanja budu w septemberje za A1 a w oktoberje za A2. Dokradny termin budu zawcasa w interneśe a we Nowem Casniku wózjawiś. Pśespytowanje płaśi 50 €; za wuknikow, wuknjeńcow, studentow a wuměńkarjow jo dermo. Dajo pisne a wustne pśespytowanje. Pśespytowanja budu w Chóśebuzu, pśizjawjenja pśiwzejo dr. Norbergowa: 0355-48576448, . Pśespytowarja stej dr. Norbergowa a Till Wojto wót uni Lipsk.Pśespytowanje

Lěc cośo studěrowaś abo we zastojnstwje źěłaś: wótergi su znaśa dolnoserbskeje rěcy pšašane. Wěcej hyšći, gaž cośo w jadnej serbskej instituciji źěłaś abo ako ceptarka a wótkubłarka. Abo Wy sćo pilny wuknik našeje rěcy, a cośo carno na běłem napisane měś, až sćo južo wjele wuknuli? Pón jo ten nowy rěcny certifikat za Was rowno to pšawe.

„Což my smy wuźěłali, to jo pśisamem pioněrske źěło“, jo groniła dr. Madlena Norbergowa 25. februara. Wóna jo prezentěrowała zjawnosći ten dolnoserbski rěcny certifikat. Styri lěta su Rěcny centrum Witaj (RCW) a jogo partnarje na njom źěłali. Južo 10 lět jo se diskutěrowało, až take něco notne jo.