Łuhańsk (rusojske pisanje Lugansk) jo město w regionje Donbas, na pódzajtšu Ukrainy. Lažy 350 km wót Charkiwa, 850 wót Kyjiwa (Kyjiw jo ukraińske pomjenjenje za Kijew) a 950 km wót Moskwy. Až do lěta 2014 jo tam bydliło někak poł miliona luźi, tak wjele wobydlarjow ako w Lipsku. Něga jo Łuhańsk był wjelike industrijowe město. Wobsedlenje tamnego regiona jo se chopiło někak w 17. a 18. stolěśu, gaž su Kozaki, ako běchu z centralneje Ukrainy wuběgnuli, na tych teritoriumach załožyli prědne jsy. Pózdźej, ze zachopjeńkom aktiwneje industrializacije jo se tam zasedliło wjele źěłaśerjow z centralneje Rusojskeje, z Kawkaza atd. Togodla su na tom industrielnem teritoriumje pśecej bydlili luźe wšakich narodnosćow, kótarež su wobkněžyli wěcej ako jadnu rěc. Rušćina jo wót togo casa była rěc mjazykulturnego kontakta w Donbasu.

„Carne złoto“