Z Města/Cottbus. Pódpołnocny bok dwórnišća ma mjaztym ako kulturny centrum młoge bitowaś: Do něgajšnego Großenhainskego dwórnišća, ak jo ako twaŕski pomnik wustajony, su załožeński centrum (Gründungszentrum) „Zukunft Lausitz“ a dwě galeriji zaśěgnuli. Mimo togo wobogaśijotej Club Scandale a lokal pód gołym njebjom Prima Wetter kulturne žywjenje. Ale tamna infrastruktura póchada hyšći ze slědnego stolěśa. Togodla planujo Město wót kóńca februara pśetwarjenje pódpołnocnego pśistupa k dwórnišćoju ako dalšnu kšoceń we wuwiśu města. Pśiwózna droga (Güterzufuhrstraße) buźo wutwarjona, dostanjo chódnik na kuždem boce a dosć šyroke wobrotnišćo (Wendepunkt) ako kóńcny źěl. Pór nowych parkowańskich městnow dej nastaś. A płoń mjazy Großenhainskim dwórnišćom a wuchadom tunela dej byś atraktiwnjej wugótowana z bomami a ławkami. Teke nowy kanal za wóduwótpušćenje tam do zemje spóraju. Ale lěc respektiwnje kak buźo brach kólasowych stojadłow na pódpołnocnem boku dwórnišća rozwězany, njejo hyšći wěste. To planowane pśetwarjenje dej 746.