Teke jogo enkelźowka Lara jo spiwała

Von Horst Adam Donnerstag, 07. November 2019
Pó dlejšem casu su se zasej raz gromaźe spiwali cłonki Zjadnośonych serbskich chorow z Dolneje Łužyce, pódpěrowane wót chora Serbskego ludowego ansambla. Fośe: Horst Adam

Jaden z nejwuznamnjejšych a nejwěcej znatych a woblubowanych serbskich komponistow pó lěśe 1945 jo był Detlef Kobjela. Až jo se wón naroźił 7. apryla 1944 w Rogoznje blisko Chóśebuza w familiji serbskego pjakarja, pśinosujo k tomu, až su luźe w Dolnej Łužycy na njogo wósebnje gjarde. Na wšaki part jo był zwězany z Dolnymi Serbami. Jo wuknuł na Serbskej rozšyrjonej wušej šuli „Marjana Domaškojc“ w Chóśebuz a jo pózdźej pó studiumje teke krotki cas wót lěta 1980 źěłał ako muzikowy ceptaŕ na tej šuli. Nawjedował jo dlejšy cas šulski ansambel. Teke pón, gaž jo pśeśěgnuł do Budyšyna a tam w lětach 1990 do 1995 ako dramaturg a intendant nawjedował Serbski ludowy ansambel, jo wóstał Dolnej Łužyce pśecej zwěrny. Ako wósebny projekt jo tegdy nawjedował Zjadnośone dolnoserbske chory, jo z nimi pilnje ako dirigent zwucował a wustupił a za spiwaŕki a spiwarjow zestajał, komponěrował a wobźěłał cyklus „Doma rědnje jo“ z młogimi kšasnymi štuckami a melodijami. Hyšći źinsa słušaju wóni do repertoira wšakich dolnoserbskich chorow.

(0 )
Bitte anmelden, um einen Kommentar zu posten
 
  • Zustellung der Wochenzeitung durch einen Zusteller oder durch die Post
  • Unsere Zeitung ist ein Muss für jeden, der sich für die Sprache, Kultur und den Alltag des autochthonen slawischen Volkes interessiert.
  • für 18,00 € jährlich

Zeitung bestellen

  • voller Zugang zu Nowy Casnik online und zum E-Paper
  • zusätzliche Funktionen (Archiv, Kommentieren, Bewerten, als PDF speichern)
  • für 13,20 € jährlich (für Abonnenten der gedruckten Ausgabe nur 7,80 €)

Zugang bestellen