Bramborski Casnik, 50/1850, srjodu, 11. dezember 1850. (Pśipósłane). Co dobre drogi na se maju (2. źěł). Cesto namakajo se pśibližu dobra zemja za rolu a za łuki, ale wóna dej wordowaś wózona. Te drogi su złe, a wóno wóstanjo. We tych městach jo gnoj, popjeł, kopś a druge wěcy ku krynjenju, z kótarymiž rola a łuki se gnoje. Tych złych drogow dla musy to wšykno se daś byś. Rola a łuki worduju pśenjeroźone, a daju togodla chude žni a małko futra. To zbóžo we tej groźi jo głodne.