W serbskich institucijach jo ako wšuźi: Nowe luźe pśistajaju, wšake wótejdu, du na wuměńk abo se rozsuźiju za nowe źěłowe městno. Rozgłos Barliń-Bramborska (RBB) a jogo Serbsku redakciju jo spušćiła Anne Holzschuhowa. Wóna jo swójo ramikowe dogrono ako licha sobuźěłaśeŕka pla rbb k 30.06. dokóńcyła. Něnto źěła wóna ako medijowa powědaŕka chóśebuskeje chórownje Carl-Thiem-Klinikum („Unternehmenskommunikation a Marketing“). Wěcej za tyźeń.

Medijowa powědaŕka Domowiny w Budyšynje, Bärbel Felberowa, źo kóńc lěta na wuměńk. Wóna jo wót 01. januara 2003 źěłała za naš serbski kšywowy zwězk. To źěłowe městno jo wupisane, hyšći do 13. septembra mógu se zajmce procowaś wó to městno. Pla Domowiny su hyšći dalšne liche źěłowe městna. To su na pśikład kubłański referent za młoźiny, regionalny powědaŕ za Wórjejski region, a pśedstajarje za komunalny serwisowy běrow za wokrejsa Budyšyn a Zgórjelc.