Za to planowane wudaśe jo Ludowe nakładnistwo Domowina južo naglědnu wobalku wugótowało. Pśez to, až publikacija wujźo we rědu Spisow Serbskego instituta, njebuźo se wóna wužywaś. 
Z Budyšyna/Bautzen. To lětosa planowane wudaśe dnjownikow (Tagebücher) fararja Bogumiła Šwjele njepśiźo. Wóno se wótstarcyjo na nejskerjej dwě lěśe. Wucynjone jo něnto, až wudawaŕ publikacije buźo Serbski institut, a nic Ludowe nakładnistwo Domowina. To groni: Šwjeline dnjowniki budu se w nakładnistwje jano śišćaś, wujdu pak we rědu Spisow Serbskego instituta. To smy zgónili z lektorata Ludowego nakładnistwa Domowina a wót awtorki publikacije dr. Annett Brězanec wót Serbskego instituta w Budyšynje.
Montag, 05.05.2025
