Za muziku a za pórědne informacije publikumoju jo se Tobias Unger z Hochoze ze swójeju moderneju techniku starał. Wón jo grał wšake serbske štucki, ako jo dostał wót redakcije bramborskego serbskego radija rbb.
Su jim wósebnu medaliju pśepowdali
Kuždy balokopaŕ, kenž jo sobu grał, ma rědnu dopomnjeńku na graśe w Hochozy. Wón jo dostał pó graśu wósebnu medaliju, rowno tak ako te tśo sudniki, te cesne gósći a cłonki towaristwa Serbske koparje a žedne cłonki sportowego towaristwa Hochoza.
Pódpěra wót žarjabnice a picańskeje flejšaŕnje
Mimo pjenjez, ako stej župa Dolna Łužyca a towaristwo „Serbske koparje“ wudałej, stej teke dwa sponsora to zarědowanje pódpěrałej. Šwjelic flejšarnja w Picnju jo dariła jěšnice za grilowanje a žarjabnica Sprjewja-Nysa jo pśepokazała na konto towaristwa sumu wót 750 euro. Žarjabnica jo južo we slědnyma lětoma towaristwo derje pódpěrała. Wutšobny źěk za to!
Ned pó graśu jo jěł k pśijaśeloju na swajźbu