Wobej trenarja stej spokojom: Trenaŕ Serbskich koparjow Horst Krawcyk jo pó graśu nam gronił, až jo z wugbanim swójich wuknjeńcow wjelgin spokojom. Naslědku su byli wše glucne, teke trenaŕ Šleswigarjow Peter Feies. „Łoni smy zejgrali 6 : 1, a 3 : 2 jo za nas prima wugbanje“. Za jogo suźenim jo wiźeś, až serbske grajarje graju we balokopaŕskich towaristwach. Pśi gósćach jo to hynac: Jich mustwo jo zestajane z luźi, ako su zwězane z jich nimskim gymnaziumom, a wóni maju małko aktiwnych balokoparjow.
Graśu jo pśiglědował teke Milan Funka, pśedsedaŕ zwěstka serbskich sportowych towaristwow Sokoł. Wón jo we rozgronje z Casnikom wugbanje Serbskich koparjow a wusoki niwow graśa chwalił.
*
Mjazy tymi 230 pśiglědarjami stej byłej landrot wokrejsa Sprjewja-Nysa Harald Altekrüger (sobuzałožaŕ a cłonk Serbskich koparjow) a pśedsedaŕ Domowiny Dawid Statnik.
*