Z Chrósćic/Chrostwitz. Franciska Albertowa, pśistajona Domowiny za serbske młoźinske źěło w měsće, jo na głownej zgromaźinje Domowiny se zjawnje dopšašowała dla Serbskich koparjow a Europeady. Dla cogo jo pśedsedaŕstwo Domowiny tak malsnje wusuźiło pśeśiwo wóli dolnołužyskeje župy? [K dopomnjeśu: Wóno jo wobzamknuło, až Serbske koparje ako mustwo njepójědu na Europeadu. Město togo zestajajo se měšane mustwo Dołojcnych a Górjejcnych Serbow, źož kuždej „frakciji“ pśipadnjo źělba wót 50%]. Zaprědka ga jo było to grono, až te „praktikarje“ deje se wobjadnaś, to groni towaristwo Sokoł a Serbske koparje. Pśi tom su z dolnołužyskego boka se wěcej razow pilnowali wó dalšne rozgrono ze Sokołom ‒ jo Albertowa skjaržyła.