Chóśebuz/Cottbus. Słyńco sćelo k zemi wobstawnje energiju, kótaraž wunjaso 100.000 terawattow (= 10⁹ wattow). Jano wjelgickano mał­­ki źěl teje wugbałosći dosega, aby wšu pótrěbnosć na energiji ce­łe­go cło­wjes­twa na zemi wuspokojli. Rozmjej, ta sama wunjaso „jano“ 13 terawattow. Słyńco jo stakim njewupócerabne žrědło energije zadermo! Gaž se to wobmyslijoš, ga wuznajoš laž­ko, až inwestěrowanje do wugla a drugich fosilnych palidłow njejo wěcej na casu. A naše pótomniki budu za hundert lět šćokaś, až naše generacije njejsu wěźeli nic lěpšego ze zemskimi pókładami cyniś ako je spaliś. To jo zapšawym primitiwne, a južo źinsa jo tak, až wažnosć wugla a wóleja dlej a wěcej wóteběra. A wóno by było njewugronjecy škóda, gaby něnto hyšći, we slědnej fazy „wuglo­weje ery“, serbske jsy skóń­cowali.