Tak wuspěšnje ako žednje

Von Ines Neumannojc Mittwoch, 12. Dezember 2018
Nowe pśedsedarstwo (wótlěwa): Frank Matijašk, Brigitte Zakrecowa, Christiana Piniekowa, Werner Měškank, Hartmut Leipner. Foto: I. N.

Z Města/Cottbus. Pozitiwna bilanca skśuśijo dobru naźeju na dalšne dobre wuwiśe. Tak dajo se zespominaś głowna a wólbna zgromaźina Towaristwa za spěchowanje serbskeje rěcy w cerkwi z. t. na 1. decembrje w Chóśebuzu. Pśedsedaŕ towaristwa Hartmut Leipner jo gronił tym 15 pśibytnym, až jich źěło žednje njejo tak wuspěšne było ako w lěśe 2018. Wót Serbskego ewangelskego towaristwa jo był pśibytny Měrćin Wirth.

Absolutny wjerašk lěta 2018 jo była prezentacija digitalneje biblije w septemberje. Ale njeglědajucy na to a dalšne wjeraški jo było lěto 2018 teke to lěto z nejwěcej namšami. Dogromadu jo jich było wokoło towzynt namšarjow na dogromadu 12 namšach jano 2018.

We swójej rozpšawje su pśedsedaŕ towaristwa, serbska dušepastyrka Katharina Köhlerowa a serbski dušepastyŕ Ingolf Kśenka na wjele wobspomnjenja gódnych wěcow pokazali. Tak su měli lětosa wjelicku namšu pód gołym njebjom z wušej ako 250 namšarjami w ramiku grodkojskego domowinskego a drastwinego swěźenja.

(0 )
Bitte anmelden, um einen Kommentar zu posten
 
  • Zustellung der Wochenzeitung durch einen Zusteller oder durch die Post
  • Unsere Zeitung ist ein Muss für jeden, der sich für die Sprache, Kultur und den Alltag des autochthonen slawischen Volkes interessiert.
  • für 26,40 € jährlich

Zeitung bestellen

  • voller Zugang zu Nowy Casnik online und zum E-Paper
  • zusätzliche Funktionen (Archiv, Kommentieren, Bewerten, als PDF speichern)
  • für 14,40 € jährlich (für Abonnenten der gedruckten Ausgabe nur 9 €)

Zugang bestellen