Z Města/Chóśebuz. Wušej 100 serbskich a nimskich luźi z Dolneje a Górneje Łužyce jo pśišło zachadnu wałtoru do katolskeje cerkwje „Swěta Marija“ w Chóśebuzu, aby se how rozžognowali z Bjarnatom Rjentšom, ako běšo 14. nowembra, 81 lět stary, pó krotkej śěžkej chorosći napśisko wumrěł. Slědnu cesć su jomu wopokazali swójźbne a pśiswójźbne pśijaśele, zastupniki Domowiny, serbskich institucijow a towaristwow a něgajšny chóśebuski wušy šołta Waldemar Kleinschmidt.